İqtisadiyyat
Neftin bareli 70 dollara qalxacaqmı? - Proqnoz
A
Neftin bareli 70 dollara qalxacaqmı? - Proqnoz
08:41 06.12.2016
OPEC neft hasilatının sutkada 1,2 milyon barelədək azaldılması barədə razılığa gəlib. Bundan başqa, OPEC-ə üzv olmayan ölkələr hasilatı daha 600 min barel azaldacaq.

Bu, neft bazarında qiymətlərin 45 dollar ətrafında saxlanmasına yardım edə bilər. Lakin daha baha qiymət üçün bir qədər çox gözləmək lazım gələcək.

Trend-in məlumatına görə, bu proqnozu Saxo Bank-ın əmtəə-xammal bazarında strategiya şöbəsinin rəhbəri Ole Slot Hansen verib.

Onun sözlərinə görə, hələ bir çox məsələ aydın deyil. Burada əsasən diqqəti OPEC-in hasilatı azaltmaqla bağlı razılaşmasına nə dərəcədə sadiq qalacağı cəlb edəcək: “Biz hesab edirik ki, bir barelin 55 dollardan çox artımı çətin olacaq, amma mövqelərdə düzəlişlərin edilməsi zərurəti daha çox artıma gətirib çıxara bilər. Ehtimal olunur ki, öz fəaliyyəti ilə OPEC bazar qiymətlərinin aşağı həddini formalaşdırıb. Bu yəqin ki, 45 dollar ətrafındadır. Amma əgər onların hədəfi bir barel üçün 70 dollardırsa, bunun üçün çox gözləmək lazım gələcək.”

Baxılıb: 8335