Mövqe
Milli polisimiz - Xalqın inam və etimad ünvanı
A
Milli polisimiz - Xalqın inam və etimad ünvanı
09:34 05.07.2016
Dünyanın hər yerində evi oğurlanan, maşını əzilən, ozü aldadılan, qonşusu ilə dalaşan, dələduzların qurbanı olan, cinayətkarlardan bezən, qərəz, Cinayət Məcəlləsinin 300-dən artıq maddəsi üzrə hamı və hər yerdə onlara üz tutur... MİLLİ POLİS-imiz dövlət strukturlarında iş rejimini təminetmə, qiyamı, bandit birləşmələrini zərərsizləşdirmə, üsyan, mitinq, piket, cinayətkarlıqla mübarizə və s. şərəşur olayların da sipəridir.

Və biz mentalitetimizə uyğun olaraq… polisdə “yaxşı adam” axtarışındayıq. Bizim milli-mental təfəkkürdə “yaxşı adam” ən yaxşı halda cinayəti ört-basdır edən, ən pis halda görməzlikdən gələn hüquq-mühafizə orqanları əməkdaşlarına deyirlər. Ona görə də ağzıgünələr polisdə “yaxşı adamların yoxluğu”ndan gileylənir. Və bu həddən artıq sevindiricidir ki, polisdə “yaxşı adamın yoxluğu”nu kimsə deyirsə, qəti şəkildə əmin olmaq lazımdır ki, hansısa rayonda, hansısa bölmədə hansısa cinayətə göz yumulmayıb. Azərbaycan polisində “yaxşı adam” qıtlığı polis şərəfini qoruyan minlərlə yaxşı vətəndaşın varlığı deməkdir!

Sentimentallıqdan real faktlara keçərək qürur duyduğumuz polisimizin xidmətlərini xatırlayaq. 90-cı illərin əvvəllərinin daxili gərginliyi hələ də unudulmayıb. Bir neçə ilə altı daxili işlər naziri gördük müstəqilliyini yenicə qazanmış Azərbaycanda. Hərəsi də üç ay-beş ay, uzağı bir il duruş gətirə bildi. Silahlı birləşmələr, bandit qruplaşmaları, özbaşınalıq nəinki ictimai asayişə zərbə idi, hətta dövlət strukturlarını haça-paça vəziyyətinə gətirmişdi.

Ulu öndər Heydər Əliyevin gəlişi ilə aparılan islahatlar, xüsusi önəm verilən daxili siyasət az sonra bəhrəsini verdi. Dahi rəhbərin daxili işlər naziri postunu etibar etdiyi şəxs isə Ramil Usubov oldu. Ramil Usubovun ölkə daxilində vəziyyətin sabitliyinin qorunmasında yorulmadan fəaliyyət müddəti iyirmi ildən artıqdır və bu iyirmi ildən artıq müddətdə nəinki xarici və daxili düşmənlərin, hətta DİN daxilində özlərinə yuva salmış destruktiv qüvvələrin və qiyamçıların zərərsizləşdirilməsi, onlara uğurlu təpki göstərilməsi bir daha Azərbaycan polisinin modern və monolit bir qüvvəyə çevrildiyinin təcəssümüdür. Budur MİLLİ POLİS-imizin qüdrəti.

Ulu öndərimiz Heydər Əliyev daxili işlər naziri general -polkovnik Ramil Usubova etimad göstərərək xalqın qoruyucusu missiyasını həvalə edib. Ramil Usubov nazir təyin edilərkən Umumilli liderimiz Heydər Əliyev bildirmişdir ki,”Ramil Usubova mən tam inanıram, prezident kimi ona etimad göstəriram və sizin hamınızdan tələb edirəm ki, ona bu vəzifədə işləməsinə köməklik göstərəsiniz”.  Bu gün də Ramil Usubov bu missiyanı şərəflə davam etdirir.

Ən azından iki qiyam cəhdi zamanı başda cənab general-polkovnik Ramil Usubov olmaqla sərgilənən mübarizlik və dövlətə, dövlətçilik ənənələrinə sadiqlik xalqda bir daha öz MİLLİ POLİSinə əminlik yaşatdı!

Müstəqillik dönəminin sayca yeddinci daxili işlər naziri olsa da, cənab Ramil Usubov Azərbaycan polisi tarixində ən uzunömürlü və qənirsiz dövlət adamı olaraq, sırada birincidir!

Sözsüz, biz bugünkü əmin-amanlığa görə özünün yüksək idrəçilik bacarığı ilə bütün dünyaya səs salmış Azərbaycan Respublikasının Prezidenti cənab İlham Əliyevə borcluyuq və bu sabitliyin və əminamanlığın qoronub saxlanılmasına MİLLİ POLİSimizin öz payı var. Bu gün də MİLLİ POLİSimizin şəxsi heyəti milli dövlətçilik ideologiyasına söykənən prinsiplərlə fəaliyyət göstərir. 

Bayramın mübarək, MİLLİ POLİSimiz!  Uğurlar, “yaxşı adam” ola bilməyən MİLLİ POLİSimiz.

Xalq.az İnformasiya Agentliyinin baş redaktoru Zaur Mirzə-zadə

Baxılıb: 18299
Mövqe bölməsinin digər xəbərləri: