Hadisə
Yəməndə beşgünlük atəşkəs rejimi başladı
A
Yəməndə beşgünlük atəşkəs rejimi başladı
09:39 13.05.2015
Yəməndə Səudiyyə Ərəbistanı tərəfindən təklif edilən və üsyançı husilər tərəfindən dəstəklənən beşgünlük atəşkəs rejiminin tətbiqinə dair razılaşma qüvvəyə minib.

APA-nın “TASS”a istnadən verdiyi xəbərə görə, atəşkəs rejimi beynəlxalq təşkilatlar tərəfindən dinc əhali üçün humanitar yardımın çatdırılmasına şəraitin yaradılması, əhalinin münaqişə zonasından çıxarılması və yaralıların təxliyə edilməsi məqsədi ilə əldə olunub.  
 
Atəşkəsin təmin olunması məqsədi ilə BMT-nin Yəmən üzrə xüsusi elçisi İsmayıl əş Şeyx ötən gün Sanaya gəlib. Onun sözlərinə görə, əsas məsələlər  atəşkəsə daimi statusunun  verilməsi və genişmiqyaslı daxili dialoqa başlanmasıdır.   
 
Qeyd edək ki, ərəb koalisiyası atəşkəs tətbiq edilməzdən bir neçə saat əvvəl paytaxt Sanaya  güclü hava zərbələri endirib. Hücum nəticəsində azı 70 nəfər ölüb, 100-dən çox dinc sakin yaralanıb.   
Baxılıb: 2555