Sosial
"Azərsun Holdinq" Xocalı soyqırımı qurbanlarını yad edib
A
17:14 27.02.2019
“Azərsun Holdinq”in Müşahidə Şurasının sədri Abdolbari Goozal və şirkətlər qrupunun kollektivi Xocalı soyqırımının 27-ci ildönümü ilə əlaqədar faciə qurbanlarının xatirəsinə ucaldılmış “Ana harayı” abidəsini ziyarət edib. 

AZƏRFAKS xəbər verir ki, ziyarətçilər abidənin önünə əklil qoyub, tər çiçəklər düzərək faciə qurbanlarının xatirəsini dərin hüznlə yad ediblər.

Xatirladaq ki, 1992-ci il fevralın 25-dən 26-na keçən gecə erməni faşistləri tərəfindən Xocalı şəhərinin dinc əhalisinə qarşı amansızlıqla divan tutulub. 613 nəfər qətlə yetirilib, 1275 nəfər girov götürülüb. Körpə uşaqlara, qadın və qocalara qarşı törədilmiş bu faciəni xalqımız heç vaxt unutmayaq.

Baxılıb: 156