Hadisə
Jurnalist Aqil Ələsgər saxlanılıb - Əflatun Amaşov təsdiqlədi
A
Jurnalist Aqil Ələsgər saxlanılıb - Əflatun Amaşov təsdiqlədi
09:32 01.08.2018
"Yenicag.az" saytının baş redaktoru Aqil Ələsgər Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə idarəsinin əməkdaşları tərəfindən saxlanılıb.

AZƏRFAKS xəbər verir ki, bunu sosial şəbəkəsində Azərbaycan Mətbuat Şurasının sədri Əflatun Amaşov yazıb.
 
O, bildirib ki, iş gününün sonuna yaxın baş redaktorun yaxınları ondan xəbər ala bilməmələri ilə bağlı Mətbuat Şurasına müraciət ediblər. Müraciət araşdırılıb və Aqil Ələsgərin DİN-in Baş Mütəşəkkil Cinayətkarlıqla Mübarizə idarəsinin əməkdaşları tərəfindən saxlanıldığı məlum olub.
 
Ə. Amaşov qeyd edib ki, iş günü başa çatdığından məsul şəxslərlə əlaqə yarada bilməyib. O, bu gün Mətbuat Şurası adından DİN-ə müraciət edilərək, jurnalistin saxlanma səbəbinin aydınlaşdırılacağını qeyd edib. "Aqil Ələsgərlə bağlı məsələnin ədalətli, qanunlarımız çərçivəsində həlli vacibdir və buna çalışacağıq".

Baxılıb: 1492